Epaimahaiak, aho batez eman dio Joseba Sarrionandiari aurtengo Euskadi Saria —euskarazko saiakera alorrean— Moroak gara behelaino artean? lanagatik.
Euskarazko itzulpen saria Karlos Zabala jaso du, Zubi bat Drinaren gainean lanagatik (Elkar). Ilustrazioaren atalean Iban Barrenetxeak jaso du Euskadi saria, Bombastica Naturalis lanagatik (A buen paso). Gaztelerazko saiakeraren arloan Iñaki Uriarte izan da irabazlea, Diarios 1999-2003 lanagatik (Pepitas de calabaza).
Epaimahaiak ikusitako merituak
- Edukien aldetik, oso ondo egitaratuta, ondo garatzen dira ideiak, formalki oso sendoa, lan handia, oso dokumentatuta.
- Originaltasuna, urteak pasako dira eta euskal kulturan klasiko bat bihurtu daitekeen lana.
- Ate asko zabaltzen dituen lana, kontsultarako ere baliagarria.
- Diskurtso ugaritasuna, eta era berean azpimarratzekoa ere bada pentsaera nagusitik kanpoko ikuspegi ezberdinak eskeintzeko ahalegina. Kultura aniztasunaren aldeko aldarria.
- Azkenik, edizio lan handia dago atzean, titulu sugerentea, argazkiz eta azalpenez betetako lana.
