Tasio

Francisco Javier Etayo Larrainzar, Tasio (Sesma, 1954)

Irakasle-ikasketak egin zituen, baina 1988az geroztik binetagile gisa egin du lan hainbat egunkari eta aldizkaritan.

1991tik aurrera Eginen argitaratu zituen bere marrazkiak, hura itxi zuten arte, eta ondoren Euskadi Información egunkarian jardun zen. 2006an Gara egunkaria sortu zenetik, bertako komiki-bandek haren sinadura eraman dute.

Beste argitalpen batzuekin kolaboratzen du aldizka, eta binetagile-lana diseinuarekin eta kartelekin tartekatzen du. Hainbat bilduma-liburu argitaratu du, esaterako Tasio, la tira en un año (1999), Giltzapeko umorea (2006), Historia navarra de Euskal Herria (2011), Píldoras (2012) eta Tasio 25 urte. EGINetik GARAra (2016).

Bere marrazkilari -eta irudigile- karreran zenbait sari jaso du, hain zuzen Tenerifen (Kanariar Uharteak), La Habanan (Kuba) eta Gernikan (Bizkaia), eta taldeko eta bakarkako erakusketetan parte hartu du. Haietako azkenak Tirabirak/Tiras que aflojan du izena, eta euskal geografia osoan zehar ibili da 2016an.