Silverstein, Shel

shel_silverstein

Shel Silverstein (Amerikako Estatu Batuak, 1930 - 1999)

Illinois-eko Unibertsitatean eta Chicagoko Arte Ederren Fakultatean ikasi zuen. Helduentzat egin zituen lehen marrazkiak Pacific Stars and Stripes delakoan argitaratu ziren 1950eko urteetan, Estatu Batuetako armadak Japonia eta Koreara bidali zuenean. Chicagora itzuli zelarik, hainbat aldizkaritan argitaratzen jarraitu zuen. 1957tik 1970eko hamarkadaren erdialdera arte Playboy aldizkariko irudigile nagusietako bat izan zen.

1963an hasi zen haurrentzako liburuak eta ilustraturiko poema bildumak argitaratzen. 1984an Haurrentzako Album Onenaren (audioliburu edizioan) Grammy Saria jaso zuen. Haren obrak 30 hizkuntza baino gehiagotara itzuli dira eta 20 milioi aletatik gora saldu du. Aldi berean, artearen beste alderdi batzuk landu zituen, hala nola musika, konposizioa -beraren kanta batengatik Oskar eta Urrezko Globorako izendatua izan zen-, antzerkigintza eta zinema eta telebista gidoilaritza.