Lionni, Leo

lionni

Leo Lionni (Amsterdam, Holanda, 1910-Toskana, Italia, 1999)

Leo Lionni arte giroan jaio zen –haren ama operako kantaria izana zen, eta bere osaba Piet margozale eta bildumazale porrokatua–, eta gazte-gaztetatik jakin zuen artea zela bere destinoa. Baina ez zuen prestakuntza artistikorik izan. Ekonomia ikasi, eta horretako doktoretza lortu zuen.

Urte asko pasatu ziren umeentzako lehenbiziko liburua egin zuen arte. Erdi kaxualitatez, tren-bidaia batean, bilobak entretenitzeko modua bilatu zuen: ipuin bat sortu zuen zetazko paper puska batzuekin. Horrela sortu zen Urdin Txiki eta Hori Txiki. Lehenbiziko liburu haren ondotik beste asko egin zituen –40tik gora–, arlo horretarako kritikariek mundu osoan goraipatuak, Frederick eta Igeritz adibidez.

Eskulturan, diseinuan, margolanean eta irudigintzan pilatutako merituengatik, 1984an Ameriketako Arte Grafikoen Institutuaren Urrezko Domina jaso zuen. 1931n Milanen jarri zen bizitzen, eta diseinu grafikoan hasi zen lanean.

1939an Ameriketara aldatu zenean, arte-zuzendari jarri zuten Filadelfiako publizitate- agentzia batean, eta gero Corporación Olivetti Korporazioarentzat eta Fortune aldizkariarentzat. Aldi berean, gora zihoan bere artista fama, eta bere margolanak galeria hoberenetan erakusten ziren: New Yorken hasi eta Japoniaraino. Leok berak esan zuenez: «Nolabait ere, nonbait, haurtzaroko sentimenduak adierazten ditu arteak».